Балерина Қадырованың портреті

Сипаттама

Авторы: Исмаилова Гульфайрус Мансуровна. 1929-2013
Композиция ортасында - сахналық балет киімін киген, үш ширек бұрылыстағы қара шашты жас әйелдің бейнесі орналасқан. Тұлғасының нәзік иілісі, созылған аяғы мен жоғары көтерілген қолдарының мәнерлі сұлбасы балет қимылының кәсіби пластикасы мен мінсіз толысқан шеберлігін жеткізеді. Фигураны айнала кең көсіле желбіреген сәнді де жеңіл ақ пачка айналу қозғалысының қарқынын айшықтап, серпінділігін арттыра түседі. Колорит күңгірт, жалпылама берілген фонмен контраст құрайтын маржан-ақ, сұр-көк және басыңқы сиялы-күлгін реңктердің үйлесіміне құрылған. Еркін кескіндемелік мәнер, контурлардың мұнарлануы және күрделі түстік ауысулар жарық пен қозғалысқа толы құбылмалы сахналық ортаның әсерін айқындай түседі