Егде кісінің портреті. Эскиз

Сипаттама

Авторы: Қастеев Әбілхан. 1904-1973
Егде тартқан адамның еркін, шапшаң орындау мәнеріндегі солға қарай қырынан бейнеленген кеуделік портрет-эскизі. Модель ақ шалған сақалымен, шапан мен үлбірімен көмкерілген бөрік киген кейіпте берілген; өрнекті, ашық қырынан қараған бейнесі мен мұқият өңделген жүзі эскиздік сипатта бейнеленген киім мен фонмен айқын контраст түзеді. Шығарма колориті модельдің мінез-құлқына назар аудартатын ашық, бейтарап фонда берілген қоңыр-қызыл реңктердің жылы жосалы-сангиналық гаммасына құрылған. Ашық, серпінді жағылыммен ерекшеленетін жинақы, нақты кескіндеме мәнері мен психологиялық әрі этнографиялық сипаттамаға үстем назар аудару туындыны кескіндемелік этюд - натуралық портрет дәстүрімен жақындастырады.