Арал I

Сипаттама

Автор: Наримбетов Молдакул Султанович. 1948-2012
Арал теңізіне арналған топтамасынан алынған абстрактілі композицияның бейнелеу жазықтығы дақтардың, кең жайылған бояу жағылымдары мен бояудың аққан іздердің үйлесімімен толтырылған. Олардың арасынан кеме қаңқалары мен тұлғалардың сұлбалары аңғарылады. Пішіндер заттық айқындықтан айырылған, құрылым бояу жағысының еркін қозғалысы мен түстік массалардың қарама-қайшылығына негізделген. Кескіндеме беті фактуралы, бояу қабаты қалың, пастозды. Қызып тұрған қызғылт сары мен тұйық қара түстің қарсы қойылуына құрылған колорит күйіп кеткен кеңістік пен экологиялық апат сезімін жеткізеді.