Керосин шамы

Сипаттама

Керосин лампасының негізі металл. Түсі қара-сұр. Бағанды (стол үстіне қойылатын) классикалық конструкция.
Тұғыры (табаны): етегі кең, дөңгелек пішінді, төменге қарай кеңейетін тиянақты тұғыр. Бетінде сатылы рельефті сызықтар бар. Тұғырды керосин резервуарымен жалғастырып тұрған тік, жіңішке ортаңғы баған. Тұғырдың үстіне орнатылған пішіні дөңгелек, қалың сыртқы жиегі бар резервуар. Оның орта тұсында пайдалану мен уақыттан қалған сырылулар мен тозу белгілері көрінеді. Резервуардың жоғарғы жағында орналасқан металл горелка. Тұтандырғыш білтені уақытылы көтеріп-түсіруге арналған шағын дөңгелек реттегіш тұтқасы (бұрандасы) бар. Төбесінде әйнек колбаны ұстап тұратын тәж тәрізді (ойылған) металл жиектері бар.