Партрет

Сипаттама

Суретші М.Ващенконың қазақтың көрнекті ақыны Сара Тастанбекқызының бейнесін сомдаған портреттік туындысы. Портрет тікбұрышты пішінді картон негізіне майлы бояумен орындалған. Композицияда ақынның кеудеден жоғары бейнесі берілген. Сара Тастанбекқызы көрерменге тура қарап, сабырлы әрі байсалды кейіпте бейнеленген. Шашы ұзын, қара түсті, бір жағына өрілген. Ақынның үстінде қазақтың ұлттық киімі бейнеленген. Ол көкшіл-күлгін түсті дәстүрлі сыртқы киім киген, оның өңірі мен жиектері сары түсті сәндік жолақтармен көмкерілген. Басында қазақ әйелдерінің дәстүрлі бас киімі - қызыл-қоңыр түсті бөрік бейнеленген. Құлағына сәндік сырға тағылған. Киім үлгісі мен әшекейлері ақынның ұлттық болмысын айқындай түседі. Портрет ағаш жақтауға орналастырылған.