Дипломдық жұмыс

Сипаттама

Университеттің география факультетінде оқи жүріп, Серікбол Қондыбай оқу бағдарламасына сәйкес Кеңес Одағының көптеген елдеріне барып, олармен танысу мүмкіндігіне ие болған. Өзге өңірлерді аралаған сайын ол туған өлкесі - әр тасы аңызға айналған Маңғыстаудың туризмін дамытуды армандады. Сондықтан дипломдық жұмысын да осы тақырыпқа арнады.
Ғылымға бейімділігін байқаған ұстаздары оны университетте қалуға үгіттегенімен, Серікбол Қондыбай - әулетінің кенжесі әрі туған жерін көркейтуге ынтық болғандықтан, Маңғыстауға оралуды жөн көреді.
Дипломдық жұмыстың мұқабасында оқу орнының атауы, басшылық деректері, факультет пен кафедра мәліметтері және жұмыстың тақырыбы - «Рекреационные ресурсы Мангистауской области», сондай-ақ қорғау күні көрсетілген. Дипломдық жұмыс толықтай орыс тілінде, қолмен жазылған 99 бетті қамтиды.
Мерзімі: 1991 ж.
Жасалу техникасы: Қолжазба
Материал: Қағаз
Өлшемі: 30×21 см